झ्यालमा बसेर कोइलीले
कुहुकुहु गाईरहदा
गुलाफहरू धकमक्क फुलेर
सुगन्ध छरिरहदा
तिमी यसै नमुस्कुराइदिनु है
(फेरि म कहि …!
तिम्रै मुस्कानमै हराइदिन्छु)२
बर्षा यामको छनछन
झरीको थोपाहरुसंगै
मन चन्चल भइरहदा
सिरसिर बतासले, कपाल उडाई
यसै जिस्काईरहदा
तिमी किताबबाट, घरीघरी
नजर उठाई यसै नहेरिदिनु है
(फेरी म कहि …!
तिम्रै आँखामा डुबिदिन्छु)२
जुनेली रातको, तहतह जून
बादलसॅंगै लुकिछिपी गर्दा
रातको गहिरो सन्नातामा
झ्याउकिरीले सॅंगीत भर्दा
तिमी झिलिमिली जुनकिरी बनी
मेरो अघि पछि नआउनु है
(फेरी म कहि …!
तिम्रै साथमा बहकिदिन्छु)२
गोधूलि साझमा
निलो आकाशले
सुनौलो रंग फेरिरहदा
चौतारा छेउको क्याफेमा
प्रेमिल वसन्त छाइरहदा
तितो तितो कफीको स्वादमा
तिमी मिठो कुरा नगर्नु है
फेरी म कही …!
तिम्रै गफमा भुलिदिन्छु
फेरी म कहि
आफैलाई नै भुलिदिन्छु
Follow Me on: YouTube, Instagram, WordPress, & Twitter.
Ramro lagyo
Thank You 🙂
Good 👍. Liked much. Keep it up.
Thank you sir 🙂
मुटुको गाहिरो भागले ले छोय्यो मित्र
Thank you sathi 🙂